رحلة وصيد ومقلقل حجل ( بالصور الممتعة ). - نادي الهلال السعودي - شبكة الزعيم

دهران · #1 12/07/2011, 03:19 AM

أيها الإخوة والاخوات الاعزاء .....

أسعد الله صباحكم ومسائكم بكل خير وسرور

هذي الله يسلمكم رحلة صيد وسعة صدر في (( داحس )) وما جاورها من قرى شمال غرب مدينة القويعية من كم سنة ( يعني من الأرشيف لا أحد يدقق )

طلعنا من صباح الله خير من ديرتي الغالية (( محيرقة - 25 كيلو شمال غرب مدينة القويعية )) أنا وأخوي أبو سليمان وإبن الخال أبو عبد الله وإبن الخالة أبو الريم متوجهين شمالاً إلى داحس مرورا (( بالخنقة )) ثم سلكنا الطريق المؤدي إلى داحس والذي يربط طريق الرياض السريع بالدوادمي (( مزعل - الدوادمي )) وبعد الصولات والجولات أتممنا عملية الصيد والتي لم تكن وفيرة لقلة الربيع في المنطقة في ذلك العام (( وعسى الله يرحمنا برحمته إن شاء الله )) توجهنا إلى أحس شعبان (( ماسل )) والمجاورة لداحس ...... ونزلنا العزبة ونتفنا صيدنا وصلحنا القهوة والشاهي والغدى وحمدنا الله وشكرناه .... (( يالله لك الحمد والنعمة على نعمك ))

بعد الغداء الله يسلمكم تقهوينا الشاهي قصدي الشواهي .... وأخوكم قام يتمشى في هالشعيب يمين يسار وشفت إن شجر الطلح مليان من الصمغ اللي يفرزه بشكل ملفت للنظر وأعتقد إن هالصمغ له إستعمالات في الماضي لكن والله ما أدري وشهي ولقطت كم حبه منه للذكرى ليس إلا (( أمحق من ذكرى )) .... بعدها من زود الحركة والبثارة قمت أرسم توقيعات ولوحات مجسمة على الأرض ..... تعرفون ماكل حجل ومبسوط والحمد لله و ما فيه ما يكدر بالي .... ويوم جاء عقب العصر عودنا يم محيرقة جعلها السيل لإكمال رحلة الصيد .....

ما ودي أكثر وأطول عليكم أترككم مع الصور وأتمنى لكم حسن المشاهدة .

شعيب يرد الروح .... ظلال وشجر وبراد في عز الحر وأعتقد إنه بيكون في الشتاء والربيع جنة.

يالبي قليباتكن ياذا الحجيلات وعسى الله يجيب الربيع ويكثر الحجل والخير إن شاء الله .

يتبع ..... يتبع

دهران · #2 12/07/2011, 03:21 AM

آه آه آه ثم آه ثم آه ..... وش تبوني أقول ؟

ما أقول إلا ...... يتبع ..... يتبع

دهران · #3 12/07/2011, 03:28 AM

هذي الطلحة اللي جنبنا شكل الكرتير حقها منشق

وهذا الصمغ اللي في الشجرة تقول أحجار كريمة ماشاء الله
وعلى حسب علمي إن له إستخدامات كثيرة في السابق عند البادية

عاد مثل ما أنتم عارفين الفراغ الله يكفينا شره ماهوب زين وأخوكم يحارب الفراغ بما ينفع

ما شاء الله شي ينفع صدق ....